Last day最後一個Task就係派散水餅喇! 派餅無非想好黎好去，但若然唔小心中咗以下7個散水大忌，分分鐘唔覺意得罪哂老細、同事，覺得你唔夠細心、唔識做，甚至走咗之後都仲講你壞話! 

​

1. ​切忌好睇唔好食😭
散水餅當然想可愛又精美，等啲同事見到打卡開心。但有啲甜品其實唔適合做散水餅，e.g. 糖霜曲奇︰由於定形要落大量白糖凝固，食過都知甜到漏，睇得唔食得! 有人喺網上討論區分享︰「同事散水派糖霜曲奇，打完哂卡，最後一大堆掉哂喺Pantry垃圾桶! 」散水餅直接反映你嘅Office人緣，唔想發生啲餅畀人掉哂嘅驚嚇場面，就要識搵啲✔️個個都話好靚好味嘅散水餅喇! 

​

2. 為咗去拎餅, Last day唔見咗人😰
派散水餅係指定動作，可能你想隆重其事，親自從公司搭幾個地鐵站交收，或迫上觀塘某某工廈拎餅。但好多時 Last day可能冇預期中咁得閒，e.g. 當日仲有好多手尾要跟，老細、同事想請你慢慢食餐Farewell Lunch，結果根本行唔開去拎餅! 另一個風險係: 你準時去到交收，但對方卻遲到(甚至甩底)，得你喺地鐵站呆等，返到公司已身水身汗... 唔想Last day變左做外賣哥哥，就要識揀啲✔️保証100%如期送貨嘅散水餅，留多啲時間喺公司同大家瀟灑道別啦!

​

3. 選擇單調, 同事冇得揀😖

買餅時好容易揀自己個人鍾意，或一兩個相熟同事想試嘅嘢食，e.g. 某隻千層蛋糕。 但好多時呢啲餅限死最低訂量，例如要一打一打咁買，咁就好易買咗一大堆同一品種嘅餅。如果唔好彩，撞啱部分同事唔多食千層蛋糕，而又冇其他餅畀佢揀，咁就難免唔夠體貼、唔夠準備了! 所以，最好嘅散水餅店必需✔️款式夠多夠彈性、每款訂量不設下限！多手準備，先至照顧到每位同事嘅口味需要!

​

4. 冇獨立包裝, 派得好論盡😨
派散水餅嘅難度在於要話畀全Office知你Last day，但又唔可以過份打擾到老細、同事做嘢，所以派嘅過程乾淨俐落絕對緊要! 如果啲餅冇獨立包裝，e.g. 一般酒店切餅，咁你派嘅時候就要左手捧住一大盒餅，右手Bare hand小心翼翼咁拎件餅畀老細，而老細又要拎張紙巾接住，非常唔方便! 遇上同事去咗開會、未得閒即食，件餅就會攤喺枱面幾粒鐘，好唔衛生! 相反，有✔️獨立包裝就唔會阻到同事做嘢，​咁先係得體又識做!

​

5. 餅要即日食, 放假同事冇份😣
而家好多同事陸續放假旅行，Last day嗰日好大機會唔會公司齊哂人。如果你派嘅餅有忌廉成份，e.g. Cupcake、蛋糕卷,etc...因為奶類食物安全問題，就要一天內食用。放假同事返到嚟見到自己咩都冇，難免感到不受尊重。派散水餅原意都係想做足啲，如果唔想因為啲餅唔留得而被誤會，就要識準備啲✔️唔駛即日食​用嘅散水禮物喇!

​

6. 太大份, 同事耍手擰頭🥶
好多時派餅要揀下午收工前同事冇咁忙嘅時段，呢個時候同事食完Lunch冇耐，其實唔會想食太飽、太大件嘅嘢，尤其係注重飲食嘅女同事，e.g. 一見到果件厚實嘅吉士撻就怕怕喇! 唔想派餅時食一句「我唔駛啦, 我怕肥呀!」嘅檸檬，就要識揀啲✔️唔會太大件、幾啖就食得哂、仲唔會整污糟個嘴嘅餅，避免Last day都被拒絕咁冇面! 

​

7. 鹹食氣味充斥辦公室😓
如上，派餅過程要顧及其他仲忙緊嘅同事，先至唔會失禮! 由於Office空氣未必流通，散水時記得要避免氣味濃烈嘅食物，e.g. 雞翼、燒賣呢啲熱嘅鹹食，一打開食物氣味就會充斥整個Office，老細開緊會都行出嚟問下邊個開Party，咁就非常尷尬喇!